我諗冇咩人睇得明...
0204 - 0205 宇宙船 PROMO #扭蛋劇場 真藝文青
N: 今日想同大家傾下大南街嘅問題。
O: 邊度係大南街呀？
N: 出去！即刻出去！扯呀！
O: 車，問下喳嘛。
C: 深水涉is the new brooklyn喎。
O: 上環都唔差吖。
N: 唔好再喺哩度聽到深水涉嘢！過海嘢！問路嘢！哩度剩係俾講大南街嘢！
O: 大家都係文青，理性討論下啫。
N: 咪先！去開邊間舖，飲開咩㗎先。
O: 間間都去下，飲抹茶奶綠。
C: 你飲凍定係熱呢？
O: 凍吖。
N: 喂，唔好意思係師兄，文青好少飲凍飲呀，我㩒返你落去下面吖。
O: 等陣先！等陣先！但係我嗌凍飲走咗冰。
N: 吓，咁得唔得架？
C: 都似係文青啲request嚟嘅，好啦。
N: 嗱咁俾你入返嚟啦。
O: 你地傾緊咩架？
C: 到底點先係一間真正嘅文青店呢。
O: 我覺得呢，一間好嘅……
N: 唔係呀，師兄，雖然大家叫你師兄，但其實你係師弟。你遲入嚟吖嘛。
O: 下？
C: 你要等師兄發言先呀。師兄讀書多過你。要尊重吖嘛~
O: 邊個係師兄呀？
C: 係！我係師兄！
N: 咁你覺得點先係一間真正嘅文青店？
C: 冇得儲印花囉。因為文青唔儲印花。
O: 我儲印花架喎。
N: 唉都話咗你唔係架啦！俾咗佢入嚟添！
O: 邊個話文青唔儲印花，唔飲凍飲架。
C: 占叔話架！咁你自己衡量啦！
O: 黃霑呀？
N: 咁又唔係……
O: 咁邊個占叔啫！
N: 占叔出咗房lu~
Search